Ngagara : Imyanda inuka cane yisesa ahaca abantu

Mu gace bita Arusha muri komine ya Ngagara, harakunda kwibonekeza amazi mabi rwose, abanyagihugu bagasaba abatware kubafasha kugira ico kibazo c’yo mazi anuka gihebe kive mu nzira.

Muri ako gace, amazi mabi anuka rwose, avanze imyanda itandukanye irimwo mbere n’amazirantoke, ikaba ikunda kuhibonekeza, iyo myanda nayo, abanyagihugu bakavuga ko iva mu kinogo gicamwo iyo myanda, ikakivamwo, ikisesa ahaca abantu. Abanyagihugu baca muri ako gace, bahaca bapfunze amazuru, bakavuga ko bafise ubwoba bwoguterwa n’indwara ziva kw’isuku rike, narirya amazirantoke usanga areremba hejuru.

Abo banyagihugu bakavuga ko n’abategetsi batandukanye bo muri ako gace babizi, ariko bakaba baguma barindiriye ikizokorwa mu maguru masha. Atagikozwe, abo banyagihugu bati : ‘’Indwara ya korera n’amacinya turareha mu minsi mike’’.