Accueil > Kwidagadura > umucuraranzi > Rihanna > Rihanna yiyemeje kunezereza abakunzi biwe
Rihanna yiyemeje kunezereza abakunzi biwe
lundi 10 Ruheshi 2013
Mu mpera z’iy’indwi irangiye, umuririmvyi Rihanna yari mu giteramo ku kibuga co mu Bufaransa mu ntumbero yo kubandanya ibiteramo vyiwe yise Diamonds World Tour.
Ico giteramo mu Bufaransa kigira gatanu akaba azobandanya ivyo bikorwa asanzwe yaratanguye mu kwezi kwa Ntwarante, bikazorangira mu kwezi kwa Munyonyo uyu mwaka nyene akazobirangiriza muri Leta zunzubumwe za Amerika.
Aho ku kibuga co mu Bufaransa rero Rihanna yarahakunze cane kuko yavuze ko ari irya mbere aririmbiye ku kibuga.
Yavuze ati: "Sinzokwibagira iki giteramo kuko nashoboye kuhungukira ubuhinga bukomeye". Abakunzi bagera ku bihumbi 75 000 barashoboye kuryoherwa cane nk’ikiringo c’isaha imwe n’igice mu gihe yaririmba indirimbo Phresh Out the Runway ari nayo yuguruye, arangiza aririmba indirimbo yitwa Diamonds, izindi yaririmvye ni Man Down, Rude Boy, Umbrella na We Found Love.
Inyuma y’imiNsi mikeyi avuye mu gihugu c’Ubwongereza hamwe no mu Buraruko bwa Buraya, Rihanna azogirisha igiteramo ca nyuma yise Hexagone. Igenekerezo rya 20 Mukakaro ku kibuga gikuru ca Arena de Lille, imbere yo kubandaniriza muri Aziya na Australiya mu mpera z’ukwezi Nyakanga.
Prosper Ndayikeza
