Accueil > Kwidagadura > umucuraranzi > Happy Famba > Inkuru > Happy Famba ntiyigeze afatwa
Happy Famba ntiyigeze afatwa
mercredi 12 Mukakaro 2017, par
Happy Famba aboneka aboshe amaguru n’amaboko, asa n’uwihebuye. Amakuru ariko avugwa kw’iyo foto ni menshi. Bamwe bavuga ko uwo muririmvyi yoba yaranyurujwe inyuma y’igiteramo ca Koffi Olomide. Abandi bakandika bamutyoza bavuga ko yafashwe yivye.
Ikinyamakuru IGIHE carondeye umuco kuri izo nkuru. Twahamagaye Happy Famba ubwiwe, Tumubajije ko ameze neza, yatwishuye ko ata kibazo na kimwe afise.
Twamubajije kandi ko ayo makuru aramushikira, yishuye ko yabibonye. Duti : "None ukuri ni ukuhe?
Happy Famba yishuye ati : "Iyo foto iriko ivugwa ni iyafashwe igihe uwo muririmvyi yariko ategura vidéo y’ururirimbo "Why Me".
Avuga kandi ko abantu bakwiragiza inkuru nk’izo bokwikubita agashi bakareka gucapfuza izina ryiwe, n’iry’abandi.
Cherif NKESHIMANA
