Ingingo ibuza kubaga no kurya impene n’intama yahagaritswe

Mu kiganiro umushikiranganji w’ibidukikije,uburimyi hamwe n’ubworozi yahaye abamenyeshamakuru kuruno wa gatatu igenekerezo rya 13 Ruheshi 2018,Deo Guide RUREMA yamenyesheje ko ingingo yari yafashwe ibuza kurya ibitungwa vy’impene n’intama ihagaritswe ariko ata gitungwa murivyo cemerewe kuva hanze y’igihugu ngo cinjire mu gihugu.

Hari haciye ikiringo c’amezi 2 hasohotse ingingo ibuza kurya ibitungwa vy’impene n’intama,iyo ngingo yari yafashwe inyuma yaho hibonekeje ingwara y’akaranda yafashe ivyo bitungwa mu ntara za Gitega na Karusi habonwa gutanguzwa urucanco kurivyo bitungwa.