Kanyosha : Abanyagihugu inzu zabo zahenuwe n’imvura basaba gufashwa

Umwe mu baba muri izo nzu, amenyesha ko, inzu yahenutse bivuye ku mvura nyinshi yaraye iragwa mw’ijoro ryo kuwa kabiri, kandi ikirirwa iragwa umunsi wose wo kuwa gatatu.

Uwo yaba mu nzu imwe muri izo zahenutse, yavuze kandi ko naho ata muntu yitavye Imana, ibintu vyari mu nzu vyose vyononekaye, nk’ibikoresho vyo mu gikoni, igitanda n’imatera ndetse n’utundi tuntu twa nkenerwa mu rugo.

Abo bahuye n’iyo mpanuka, basaba Reta ko yobafasha, n’abandi bagiraneza babishoboye bakabagarukirako, mu bihe bitoroshe barimwo.

NDIZEYE Chadrack, atwara karitiye ya Kajiji, yashitse ahabereye impanuka, avuga ko agiye gushikiriza ikibazo ku bamukurira,ndetse yiture n’abagira neza nka Croix Rouge, kugira arabe ko hari ico bofasha.