Ubuganda : Uwatoye ubuhinga bwo gupima malariya hadakoreshejwe amaraso yahawe agashimwe

Uwo musore Brian Gitta w’imyaka 24 yaronse agashimwe ka "Royal Academy of Engineering’s Africa Prize" ku gikoresho gitora indwara ya malariya mu kwatsa umuco utukura gishizwe ku rutoke rw’uwupimwa.

Amakuru dukesha urubuga rw’iradiyo y’abongereza BBC, amenyesha ko inyishu y’ivyo bipimo ishobora guca ihererekanwa kuri telefone ngendanwa mu munota umwe.

Yakoze ico gipimisho yise Matibabu, inyuma yaho uburyo bwo gupima hakoreshejwe amaraso bunaniriwe yafashwe na malariya.

Malaria niyo ndwara ihitana abantu benshi mu gihugu c’Ubuganda, Gitta akaba yarinze kwipima incuro zitatu ngo atore malariya, nkuko Shafik Sekitto ari mu batanguje igipimisho Matibabu yabwiye iradiyo BBC.