Accueil > Kwidagadura > umucuraranzi > Alida Baranyizigiye > Inkuru > Alida Baranyizigiye aje yazikenyeye
Alida Baranyizigiye aje yazikenyeye
vendredi 10 Gitugutu 2014
Umuririmvyikazi Alida Baranyizigiye yururutse indege aje kw’isango rw’igiteramo kidasanzwe amaze iminsi yitegurira.
![](local/cache-vignettes/L672xH445/10722603_937492552946548_14958876_o-c2071.jpg?1550707166)
Alida ntacererwa kw’isango, mu gitondo c’uyu wa gatanu w’igenekerezo rya 10 Gitugugu, Alida yururutse indege ava mu gihugu c’Urwanda aho asanzwe arangurira imirimo yiwe. Aje mu Burundi mu giteramo kidasanzwe afashanya n’umurwi "Moutcho". Mu bibazo vy’abamenyeshamakuru, yabajijwe igituma atabonetse mu giteramo ca Sat b kandi yari ku rutonde, nawe yishura ko bamushize ku rutonde batamugishije inama. Ku kibazo c’igiteramo ciwe cahuriranye n’umunsi wahariwe ikinyobwa ca Amstel, Alida ati :" Abakunzi banje ndazi ko batampeba".
Ico giteramo ntigisanzwe, Alida ashikiriza abakunzi biwe urukurikirane rwa mbere "Mamaland" rugizwe n’indirimbo 10, iruhande y’izo ndirimbo hari ururirimbo yateguriye igiteramo c’uno munsi.
Ico giteramo kibera mu kigo c’abafaransa c’i Bujumbura kuva isaha imwe z’ijoro (19h00), ibisigaye bisome ku rupapuro ntangazagiteramo aha munsi.
![](local/cache-vignettes/L672xH672/10689857_1613318778895459_2395697448175595236_n-a1822.jpg?1550707166)
Umviriza urabe n’isanamu "Mamaland" yitiriwe urukurikirane "Mamaland"
Cherif Nkeshimana