Nadal yakoze akataraboneka

Umukinyi wa Tennis wo mu gihugu ca Espagne, Rafael Nadal, yatsinze ku nshuro igira umunani ihiganwa rya Tennis ryo mu Bufaransa, Roland Garros.

Nta wundi mukinyi n’umwe kw’isi aratsinda iryo higanwa inshuro zingana nk’izo, akaba yabishitseko mu gutsinda David Ferrer seti sitatu ku busa.

Iyo ntsinzi yo mu rukino rwahagaritswe umwanya muto n’abantu babiri bagize ibisa n’imyiyerekano, umwe muri bo akaba yakije ubisa nk’igishirira yirukira mu kibuga hagati, Nadal yemeje ko yasubiye ku rugero rwiwe inyuma y’imvune yari yaragize, yatuma inkino ziwe zitaba nk’uko abishaka mu mwaka uheze wose.