Buterere : Abantu 3 baritavye Imana, 43 barakomereka baguweko n’inzu

Pierre NKURIKIYE avugira ubushikiranganji bw’umutekano, amenyesha ko inyuma y’abatowe kur’uyu wa gatanu igenekerezo rya 16 Ntwarante 2018 iyo nzu igihenuka, ata bandi basubiye gutorwa.

Iyo nzu y’igorofa yahenutse mu gatondo ko kur’uyu wa gatanu igihe abakozi bariko bashirako igisenge ku nzu igira kabiri uduga mu kirere, bakoresheje isima n’umusenyi (beton).

Amakuru yavuye ahariko hubakwa iyo nzu, yamenyesheje ko umwe mu bitavye Imana yoba ari umukenyezi nyene inzu, yari yazindukiye muri ico kibanza kuraba aho ibikorwa bigeze.