Cibitoke: Imiryango 5 yarahunze itinya kwicwa kubera kwagirizwa uburozi

Imiryango itanu yo mu ntara ya Cibitoke,igizwe n’abantu cumi na batatu yarahunze ingo zayo kubera ugutinya kwicwa n’ababanyi bab babagiriza uburozi.

Iyo miryango isanzwe iba ku mutumba wa Butara,Ikomine ya Bukinanyana mu ntara ya Cibitoke,yahungiye ku murwa mukuru w’intara itinya kugirirwa nabi n’ababanyi bayagiriza uburozi.

Bamwe muri iyo miryango bavuga ko imvo ituma babagiriza uburozi ari kugira babatware amatongo yabo.

Uko ari imiryango itanu yose isaba gukingirwa itaragirirwa nabi, kuko umutekano wabo ubangamiwe.

Mu bajejwe umutekano,komiseri w’igipolisi amenyesha ko ariko arakorana n’abajejwe intwaro kugira bumvishe abanyagihugu ko abo bahunze bategerezwa kugaruka mu mihana yabo mu mutekano.