Cibitoke : Inzu 9 zaturirwa n’abantu bataramenyekana

Amakuru ava mu banyagihugu bo ku mutumba Ndava,amenyesha ko haheze iminsi itatu batanguye kubona ivyo bintu batari bamenyereye ku mutumba wabo.

Abajejwe intwaro ku mutumba bamenyesha ko biteye ubwoba, kuko imbere yuko baturira amazu batangura kwugarana abazibamwo,bakaba bafise ubwoba ko naho atawuritaba Imana, bishobora gushika bakitaba Imana.

Umukuru w’umutumba Ndava,amenyesha ko ababanyi b’abatuririwe inzu aribo baza kubugururira mu gihe inzu ziba zitanguye gusha.

Abajejwe intwaro ku mutumba wa Ndava bakavuga ko abantu babiri bamaze guhagarukwa ku mvo z’amatohoza.