Cibitoke : Umupfasoni yari avuye mu Rwanda yafashwe n’igiporisi

Uwo mupfasoni yafashwe n’umukuru w’ikirindiro c’aho ku Ruhwa, mu gihe yari avuye mu gihugu c’Urwanda ku mugoroba w’umunsi wa gatatu. Agifatwa yaciye ajanwa gupfungirwa mu gasho ka komine Rugombo, yagirizwa ko yari avuye mu Rwanda kugendera abagize imyiyerekano y’ukwiyamiriza ugusubira kwitoza kw’umukuru w’igihugu Petero NKURUNZIZA.

Mu giporisi mu ntara ya Cibitoke bamenyesha ko uwo mupfasoni yafashwe ku mvo z’amatohoza. Mu muryango wiwe basaba ko yorekurwa, kuko ivyo yagirizwa bitagira ishingiro.