Cote d’Ivoire : Umukuru w’igihugu yahinduye abagize Reta

Mu bahinduwe, harimwo umushikiranganji w’intwaro yo hagati mu gihugu Hamed Bakayoko yagenwe gusubirira umushikiranganji wo kwivuna abansi.

Umukuru w’igihugu ca Côte d’Ivoire, Alassane Ouattara yahinduye abari mu bibanza bikomeye vy’ubutegetsi, umushikiranganji wo kwivuna abansi hamwe n’uw’intwaro yo hagati.

Alain-Richard Donwahi yahora ari umushikiranganji wo kwivuna abansi inyuma yo kwerekana ko atashoboye gutorera inyishu ikibazo c’abasirikare bagumye bagira imigumuko,yagenywe kuva umushikiranganji w’amazi n’amashamba.

Amakuru dukesha ikinyamakuru Jeuneafrique,amenyesha ko Hamed Bakayoko yagenywe kuba umushikiranganji wo kwivuna abansi afatwa nk’uwegereye cane umukuru w’igihugu Alassane Ouattara