RDC: Abakozi 2 bavura ingwara ya Ebola bakomeretse batewe n’abanyagihugu

Amakuru dukesha BBC avuga ko abakozi 4 b’ishirahamwe ritabara imbabare (Croix-Rouge) nibo bagabweko igitero mu gihe bari bagiye gushingura abahitanywe n’ingwara ya Ebola bari muribo baca barakomereka bimwe bikomeye.

Bivugwako abanyagihugu bakoresheje amabuye mu gutera imodoka yaritwaye abagiye gushingurwa.

Umuntu yapfuye ahitanywe na Ebola bivugwako yanduza iyo ngwara ari naco gituma uwo ihitanye ashingurwa ku buryo buhanitse mu ntumbero yo kurinda kw’iyo ngwara ibandanya ikwiragira mu bantu.

Abantu barenga 100 nibo bamaze guhitanwa na Ebola kuva itanguye kwibonekeza mu buseruko bw’igihugu ca Repuburika Iharanira intwaro rusangi ya Kongo mu ntara ya Kivu ya Ruguru.