Zambiya: Ubwongereza bwahagaritse imfashanyo bwaronsa ico gihugu

Amakuru avuga ko iyo ngingo ifashwe reta y’igihugu ca Zambiya yagirizwa kurya igiturire .ikigega kijejwe iterambere mu Bwongereza kikaba camenyesheje ko kitazokwihanganira ibijanye no kunyuruza amatungo hamwe n’ibiturire ariko ico gihugu nticigeze kimenyesha imfashanyo cahagaritse uko ingana.

Bivugwako umukuru w’igihugu wa Zambiya Edgar Lungu yaciye atanga itegeko ko hakorwa amatohoza kurayo mafaranga yanyurujwe yaragenewe imigambi ya bantahonikora.

Igisata c’uburezi ,igisata c’amagara y’abantu hamwe n’igisata gikurikirana ba ntahonikora nivyo bivugwa ko birangwamwo igiturire gusumba ibindi bisata.

Abakurikirana hafi ibijanye n’ubutunzi bwa Zambiya bavuga ko niyo iyo mfashanyo yahagarikwa ivyo bisata bibangamiwe n’igiturire bizoca bigira ingaruka zikomeye.

.