Accueil > Amakuru > umutekano > Gitega : Abagirizwa ubusuma bw’amafaranga muri posita i Makebuko (...)
Gitega : Abagirizwa ubusuma bw’amafaranga muri posita i Makebuko bahagaritswe
vendredi 10 novembre 2017
Amakuru ava mu giporisi c’Uburundi amenyesha ko abo bahagaritswe ari NTAHOMBAYE Thierry yahagarikiwe I Kinyinya mu ntara ya Ruyigi, hamwe n’umukenyezi KWIZERA Francoise yahagarikiwe I Makebuko, mu ntara ya Gitega.
Ayo mafaranga yari yibwe mw’ijoro ryo kuwa gatatu buca ari kuwa kane igekerezo rya 9 Munyonyo 2017, uwikekwa akaba ari Thierry NTAHOMBAYE yari acunze umutekano aho kuri posita ya Makebuko kuko yaciye aburirwa irengero.
Mu giporisi c’Uburundi bamenyesha ko naho abagirizwa ayo mafaranga imiriyoni 10 bafashwe, ayo mafaranga atarafatwa, ubu bakaba bapfungiwe mu giporisi mu ntara ya Gitega.
Abajejwe intwaro bari bemeje ayo makuru, baca bamenyesha ko amatohoza yatanguye kugira bamenye ukuri.
MUGISHA Van Naris
