Hagiye gutangwa amanota ku mpapuro zitanga uburenganzira bwo kugendesha imiduga

Umushikiranganji ajejwe umutekano abishikirije mu gihe haciye imisi mike habaye amasanganya atari make himirije umusi mukuru wa Noheri.

Umuntu amanota azoba yaheranye kubera amakosa yakoze mu kutubahiriza amategeko agenga uruja n’uruza mw’ibarabara ,azoca yakwa urupapuro rwiwe rumuha uburenganzira bwo kugendesha umuduga.

CPC Alain Guillaume BUNYONI ashikiriza ko amasanganya atumwa n’imvo nyinshi zitandukanye,murizo avuga izijanye no kudakwirikiza amategeko agenga uruja n’uruza ,amabarabara ameze nabi,hamwe n’imodoka zigendeshwa zidakwije ibikoresho.