Accueil > Amakuru > umutekano > Hussein RADJABU avugwa mu cegeranyo c’abariko bategura gutera (...)
Hussein RADJABU avugwa mu cegeranyo c’abariko bategura gutera Uburundi
mardi 15 Myandagaro 2017, par
Nk’uko biri muri ico cegeranyo c’abahinga ba ONU bakorera muri Repuburika iharanira intwaro rusangi ya Congo, abo barwanyi bagizwe n’imirwi itatu yatanguye kwibonekeza mu mwaka w’2015, inyuma y’ugushaka gutembagaza ubutegetsi bw’umukuru w’igihugu Petero NKURUNZIZA.
Iyo murwi ni FNL ya General Aloys NZABAMPEMA, RED TABARA izwi kandi nka FRONABU TABARA, hamwe na FOREBU.
Ico cegeranyo kivuga ko muri iyo mirwi yose iriko yitegurira gutera Uburundi, abakomeye cane kurusha abandi ari abarwanyi ba FOREBU barongowe n’intwazangabo mu gisirikare c’Uburundi izwi kw’izina rya Colonel Edouard NSHIMIRIMANA yatorotse igisirikare c’Uburundi.
Iyo ntwazangabo irongoye muri uwo murwi abasirikare batorotse hamwe n’impunzi zinjijwe muri uwo murwi urwana. Ibiro vya poritike vy’uwo murwi wa FOREBU birongowe na Hussein Radjabu, nk’uko biri muri ico cegeranyo ca ONU.
- Hussein RADJABU yigeze kuba umukuru w’umugambwe CNDD FDD
Mu ntumbero y’ukuburizamwo imyiteguro y’iyo mirwi irondera gutera Uburundi, abahinga ba ONU bavuga ko abasirikare b’Uburundi batanga ibirwanisho ku banyagihugu bo muri Congo mu turere tw’ikiyaya ca Rusizi.
Uburundi bukaba bubikora kugira abo banyagihugu bo muri Congo bafashe kurwanya iyo mirwi ishobora gutera Uburundi, nk’uko bibandanya bivugwa muri ico cegeranyo c’abahinga ba ONU.
Egide NDUWIMANA
Messages
15 Myandagaro 2017, 19:15, par Jone
narekereho,kwiyamvya,ntantambwe,azotera,
15 Myandagaro 2017, 22:59, par sinzinkayo pual
16 Myandagaro 2017, 12:45, par mani
Abagwana nibagwane nzororera ico nobasaba bazokwubahiriz abanyagihugu
16 Myandagaro 2017, 16:31, par eric
ONU izi vyinshi.Turagowe koko nimba ONU ishobora kubibona ikanuma ibazi.NUKUVUGA KO ARIYO IBITEGURA?!!!!!!!!!!
16 Myandagaro 2017, 18:02, par Itangishaka
burya Imana Niyonkuru!! Nugukomeza Gusenga.
16 Myandagaro 2017, 20:30, par diendele
c est son droit de faire la guerre lais il faut qu ilsoit suffusamment outillee pr affronter la FDN
23 Myandagaro 2017, 23:56, par mfatukobiri
babireke kugwana ntaco bimaze