’’Iyo ntsinze ni abarundi bose baba batsinze’’ - Francine NIYONSABA

Umunonotsi Francine NIYONSABA yabwiye abamenyeshamakuru bari bagiye kumutegera ku kibuga c’indege, ko iyo atsinze ihiganwa ryo kwiruka, aba ari abarundi bose n’igihugu cose gitsinze.

Francine NIYONSABA amenyesha ko ivyo akora n’ingene yigenza mu mahiganwa, bishobora kubera akarorero keza abandi banonotsi.

Francine NIYONSABA yakiriwe ku kibuga c’indege ca Bujumbura

Umunonotsi Francine NIYONSABA yaronse umudari w’inzahabu, abaye uwa mbere mu kwiruka imetero 800, mu munota umwe, amasegonda 58 n’ivy’ijana 31, mw’ihiganwa ryabereye mu gisagara ca Birmingham, mu gihugu c’Ubwongereza.