Judo : Ku munsi wa 2 w’ihiganwa Uburundi bumaze kuronka imidari indwi

Iyo midari Uburundi bumaze gutahukana igizwe n’umwe w’inzahabu, itatu y’ifeza n’imidari itatu y’umujumbu.

Ihiganwa rya Judo ry’abkiri bato ririko ribera mu Burundi, kuva kw’igenekerezo rya 10 Rusama 2018, rizorangira kuw’Imana igenekerezo rya 13 Rusama 2018.

Ibihugu icumi na bitanu vyo ku mugabane wa Afrika nivyo vyitavye izo nkino, zizofasha kuronka abakinyi b’urukino rwa Judo bazoja mu nkino mpuzamakaungu z’urwaruka zizobera I Buenos Aires mu gihugu ca Argentine mu mwaka wa 2018, hamwe n’inkino mpuzamakungu zo kunonora imitsi zizobera I Tokyo mu Buyapani, mu mwaka wa 2020.