Kirundo : Umuhungu yishe umwana wiwe amuhaye umuti wica imbeba

Abo bahungu babiri ni MANIRAKIZA Ezechiel se w’umwana yahawe umuti wica imbeba, hamwe n’umuhungu azwi kw’izina rya HARIMENSHI yagirizwa kwosha MANIRAKIZA Ezechiel, ngo yice umwana wiwe azwi kw’izina rya Jean Marie NDAYIRAGIJE w’umwaka umwe n’amezi atandatu.

Amakuru dukesha umuvugizi w’ubushikiranganji bw’umutekano,MANIRAKIZA Ezechiel yafashwe kur’uyu wa kabiri igenekerezo rya 6 Ruhuhuma, afatirwa ku mutumba Rugasa, wa komine Bugabira, intara ya Kirundo.

Pierre NKURIKIYE avugira ubushikiranganji bw’umutekano amenyesha ko uko ari babiri bapfungiwe mu gasho k’inyamiramabi, bakaba bariko barumvirizwa.