Muyinga: Batanu bafatanywe imifuko umunani y’urumogi

Abantu batanu nibo bafashwe n’igipolisi mu komine ya Giteranyi, iri mu ntara Muyinga kuwa mbere igenekerezo rya 20 Ntwarante,umwaka wa 2017,bagirizwa kudandaza urumogi.

Amakuru ava mu ntara ya Muyinga amenyesha ko, abo bagabo batanu bafatanywe imifuko umunani y’urumogi ku mutumba Kijumbura,ui muri zone Masaka,komine Giteranyi,intara ya Muyinga.

Ayo makuru nyene amenyesha ko muri abo batanu bafashwe ,harimwo abanyarwanda 4 n’umurundi umwe, urumogi bafatanywe narwo rwagomba kujabukanwa mu gihugu c’Urwanda.

Bitegekanijwe ko abo bafatanywe urwo rumogi bumvirizwa n’ubucamanza ,kugira bahanwe hisunzwe amategeko.