Muyinga : Umukuru w’umutumba Gasura yitavye Imana acumiswe imbugita

Amakuru dukesha umuvugizi w’ubushikiranganji bw’umutekano Pierre NKURIKIYE, amenyesha ko mw’ijoro ryo kur’uyu wa gatanu igenekerezo rya 9 Ruhuhuma 2018, umugabo azwi kw’izina rya NAYOYA w’imyaka 35 yakubise umugore wiwe nya mugore acahungira k’umukuru w’umutumba.

Ayo mkuru nyene, amenyesha ko NAYOYA yaciye asanga umugore wiwe aho yahungiye k’umukuru w’umutumba, ari naho yaciye acumita umukuru w’umutumba, akoresheje imbugita.

Umuvugizi w’ubushikiranganji bw’umutekano menyesha ko,abari hafi bamaze kubona NAYOYA acumise umukuru w’umutumba, baciye bahindukirira NAYOYA nawe baramukubita.

Yaba umukuru w’umutumba Gasura canke NAYOYA bose baciye bajanwa mu bitaro bikuru vy’intara ya Muyinga, ari naho uwo mukuru w ‘umutumba yahavuye yitabira Imana, ariko NAYOYA akaba acunzwe n’abaporisi kugira ntahave ahunga.