Rumonge - Bururi : Abasore batatu bafashwe n’abajejwe umutekano

Abasore babiri bo muri komine Burambi, intara ya Rumonge bafashwe n’abasirikare mu gatondo ko kuri uwu wa gatatu. Baciye bashikirizwa abajejwe igendereza mu Rumonge.

Uwutwara igendereza mu Rumonge aremeza ifatwa ry’abo basore, akavuga ko bakekwa ko batunze inkoho.

Uwundi musore agira gatatu wo muri komine Rutovu mu ntara ya Bururi yafashwe nawe nyene kuri uwu wa gatatu, abajejwe umutekano bakaba bamufatiye mu bunywero, ariko umuryango wiwe ukaba utarabwirwa ico yafatiwe.