Rumonge: Umuntu umwe yapfuye ahitanywe n’amasase

Nk’uko amakuru ava mu barongoye intwaro abimenyesha, uwo yaraye yitavye Imana azwi kw’izina rya SINGIRANKABO Candide, yitavye Imana yari mu bunywero bw’uwitwa NIYOMWUNGERE Jean Claude buri ku gacimbiri Kiganza, Komine Burambi, intara ya Rumonge.

Amakuru ava mu giporisi mu ntara ya Rumonge, amenyesha ko SINGIRANKABO Candide yahitanywe n’amasase barashe agaca mu muryango w’ubunywero, ariko ko ata kindi kintu na kimwe cibwe.

Mu giporisi aho mu ntara ya Rumonge, bamenyesha ko abantu batatu bamaze guhagarikwa ku mvo z’amatohoza.