Ubushikiranganji bw’ubutungane bwagabishije abacamanza barya ibiturire

Nestor KAYOBERA avuga ko, mu gihe hagiye gutanguzwa isekeza ry’ishirwa mu nzira ry’imanza, bahisemwo kugabisha abacamanza, kuko hari imyifato mishasha yo kurya igiturire yibonekeza mu gisata c’ubucamanza.

Umuyobozi mukuru ajejwe iringanizwa ry’ubutungane mu bushikiranganji bw’ubutungane, avuga ko abacamanza 21 bamaze kwirukanwa mu kazi, kubera ukurya igiturire, hakaba n’abandi bapfunzwe mu mabohero atandukanye, harimwo n’abashashe mu rubanza rumwe bose bapfunzwe kubera igiturire.

Nestor KAYOBERA, avuga ko ubu ico abarundi bakeneye, ari ubutungane bukora neza, butunganiriza bose, kandi ataho buhengamiye.