Umuporisi yarashe uwo bakorana i Gitega

Uwo yarashwe yakomeretse ku kuguru, aca ajanwa ku bitaro bikuru vy’intara ya Gitega.

Mu giporisi bakavuga ko bataramenya icatumye uwo muporisi arasa uwo bakorana, uwo yabikoze akaba apfungiwe mu gasho k’igiporisi i Gitega, ku mvo z’amatohoza.

Mu kwezi kwa kabiri kw’uwu mwaka nyene, uwundi muporisi azwi kw’izina rya NDUWIMANA Samuel yuguruye umuriro, arasa bagenzi we abasanze aho baryamye ahakorera igiporisi kijejwe uruja n’uruza.

OP1 Pierre NKURIKIYE, umuvugizi w’igiporisi c’Uburundi yamenyesheje ko ayo masasu yakomerekeje abaporisi umunani, uwabikoze akaba yarirashe, nawe nyene arakomereka.

Petero NKURIKIYE, umuvugizi w’igiporisi c’Uburundi