Umushikiranganji w’amasoko ntanganguvu yagabishije abadandaza banyegeza igitoro

Mu kiganiro yahaye abamenyeshamakuru ku muhingamo wo kuri uno wa gatatu igenekerezo rya 7 Ruheshi 2017,umushikiranganji w’amasoko ntanganguvu,amasoko ntanganguvu yamenyesheje ko kuva kuri uno wa kane ku bituro vyose bidandaza igitoro hazoba handitse ko bariko baratanga igitoro canke batariko baragitanga.

Muri ico kiganiro umushikiranganji Come MANIRAKIZA yagabishije abadandaza igitoro ko abo bose bashira igitoro mu bubiko baciye inyuma y’amategeko bazohanwa hisunzwe amategeko.

Umushikiranganji w’Amasoko ntanganguvu,ubutare n’agataka asaba abadandaza igitoro kwama bafise igitabo bandikamwo igitoro cinjiye n’igisohoka.

Haraheze hafi amezi abiri hibonekeza ubukene bw’igitoro mu gisagara ca Bujumbura, no hagati mu gihugu.