Abana 12 bafashwe bagira baje kudandazwa mu mahanga

Mu gatondo ku munsi w’ejo kuwa gatanu, igiporisi carafashe mw’ihoteri abana 12 batari kumwe n’abavyeyi babo. Mu gihe hari hamaze iminsi havugwa urudandazwa rw’abana, mu giporisi baciye batangura amatohoza kugira bamenye aho abo bana bagira bajanwe, hamwe n’abari inyuma y’urwo rudandazwa.

Abo bana bafashwe bafise hagati y’imyaka ine na cumi n’umwe bafatiwe mw’ihoteri iri muri quartier Asiatique. Christine Nsabiyumva, arongoye igisata kijejwe gukingira abana n’imico (commandant police des mineurs et la protection des moeurs) amenyesha ko batewe amakenga n’abo bana bari kumwe n’abantu atari abavyeyi babo, bikavugwa ko bariko babaronderera impapuro z’inzira kugira babajabukane.

Christine Nsabiyumva, arongoye igisata kijejwe gukingira abana n’imico (commandant police des mineurs et la protection des moeurs)

Mu giporisi kijejwe gukingira abana n’imico (commandant police des mineurs et la protection des moeurs) bamenyesha ko bamaze gutangura amatohoza, kandi ko biteguriye gutuza iyo ngeso yo kugurisha abana babajana mu bikorwa bigayitse.

Christine Nsabiyumva, arongoye igisata kijejwe gukingira abana n’imico (commandant police des mineurs et la protection des moeurs) amenyesha ko abo bashobora kuba bagira bajabukanwe kuko baheruka kuronka amakuru y’abandi bajanwe mu gihugu ca Congo na Malawi. Amakenga kandi bafise mu giporisi kijejwe gukingira abana n’imico, n’uko impapuro basanganye abo bana zerekana ko amafaranga barungikirwa yava mu gihugu ca Australie. Christine Nsabiyumva amenyesha ko amatohoza yamaze gutangura.