Accueil > Amakuru > umutekano > Bururi: Amabutike indwi yasahuwe urukombamazi
Bururi: Amabutike indwi yasahuwe urukombamazi
mercredi 12 Munyonyo 2014
Musitanteri wa komine ya Bururi ahamagarira abanyagihugu kwirarira, mu ntumbero yo gutuza ubusuma bwose bumaze iminsi bugisibije.
Ivyo uwo arongoye komine ya Bururi akaba yabishikirije inyuma y’aho amazu agera ku ndwi y’ubudandaji yose asahuriwe urukombamazi, ndetse hakaba haranibwe inyabwonko zigera kuri 3 muri kaminuza y’i Bururi i Kiremba.
Musitanteri wa komine ya Bururi rero akaba asaba abanyagihugu b’i Kiremba ko bokwirarira kugira abo basuma baze bafatwe, mu gihe bamwe mu banyagihugu bavuga ko batewe umutima uhagaze n’ibivugwa na cane cane muri ivyo vy’abo basuma biba ijoro. Iyo komine ya Bururi ikaba nayo yafashwe n’abo basuma, mu gihe hari hamaze iminsi havugwa abiba muri komine ya Mugamba, muri iyo ntara nyene ya Bururi.
Aristide Nizigire
