Accueil > Kwidagadura > umucuraranzi > Michaël Jackson > Inyuma y’imyaka 5 Michael Jackson apfuye, indirimbo ziwe nshasha zigiye (...)
Inyuma y’imyaka 5 Michael Jackson apfuye, indirimbo ziwe nshasha zigiye gusohoka
mardi 1er Ndamukiza 2014
Urukwirikirane rw’indirimbo rwa nyuma rw’umuhisi Michael Jackson rugiye gusohoka hagati mu kwezi kwa Rusama. Urwo rukwirikirane rugizwe n’indirimbo umunani zitarigera zivuzwa.
Inyuma y’imyaka 5 umuririmvyi Michael Jackson apfuye, hari indirimbo yasize yanditse yongera azitwara mu nzu izihinyanyura, aho yari amaze nogushiramwo amajwi (audio). Urwo rukwirikirane rwahinyanyuwe n’inzu ihinyanyura amajwi n’amasanamu Epic Records yise "XSCAPE", rimwe mu mazina y’ururirimbo ruzosohoka kw’igenekerezo rya 13 Rusama rugizwe n’indirimbo 8. Amakuru atangwa na Epic Records amenyesha ko izo ndiririmbo ntizari bwigere zivuzwa na rimwe. Kuva rero kuri iryo genekerezo, izo ndirimbo zizoca zitangura kudandazwa kw’isi yose.
Mwomenyako kuva uwo muririmvyi yatanguje umugiho wa pop, kuva apfuye hari harasohotse mu mwaka w’2010, urundi rukwirikirane rw’indirimbo yapfuye yahejeje gukora. Epic Records yarwitiriye izina rya "Michael", rwari rugizwe n’indirimbo 9.
Fyonda aha munsi wumvirize rumwe mu ndirimbo ziwe "Billie Jean" rwakunzwe cane
Chérif Nkeshimana
