Kirundo : Amatati y’amatongo abandanya kwiha inkumbi

Amatati y’amatongo abandanya kwiha inkumbi mu ntara z’Uburaruko bw’Uburundi, aho mu ntara ya Kirundo komine Bugabira, umukenyezi yahasize ubuzima, azize indyane z’amatongo.

Spéciose Kubwimana niwe yagandaguwe atewe igisasu ntezwaminwe mw’ijoro, mu gihe bari bahejeje gufungura bagire baryame. Nk’igihe c’isaha imwe z’ijoro, umugizi wa nabi, akaba ariho yacisha ico gisasu mw’idirisha, gica gihitana uwo mukenyezi, nayo umugabo wiwe, abana babiri n’umuvukanyi w’uyo nyakwigendera baca bakomereka cane, bakaba bariko baravugwa mu bitaro vyop mu ntara ya Kirundo

Muri komine ya Bugabira, umusozi wa Kiyonza ahabereye iryo bara, bikavugwa ko uwukekwa kuba ariwe yakoze iryo shano, ariko arabazwa mu giporisi ku mvo z’amatohoza, ariko amatati y’amatongo akaba ariyo yoba aza imbere.