Petero Karaveri Mbonimpa yasubijwe mu biro vy’igendereza

Petero karaveri Mbonimpa arongoye ishirahamwe APRODH riharanira agateka ka zina muntu n’akabafungwa, ntiyumvirijwe nk’uko vyari bitegekanijwe kuri uno wa kabiri. Petero karaveri Mbonimpa yoba yasubijwe mu biro vy’iperereza nk’uko amakuru adushikira abimenyesha.

Petero Karaveri Mbonimpa yafashwe ku munsi w’ejo igenekerezo rya 27 Ndamukiza, ari mu kigo c’abamenyeshamakuru ‘’ Maison de la presse, akaba yagiye atwawe nabi nabo mw’igendereza, hakaba haciye umwanya munini ata wuramenya aho yoba yajanywe. Mu gihe co ku muhingamo niho vyamenyekana ko arikubarizwa mu biro vy’iperereza ahava yungururizwa mu giporisi c’inyamiramabi kw’i Jabe.

Petero Karaveri Mbonimpa akaba ari muri rwa rugamba rwishinzwe kurwanya ikiringo ca gatatu ca Petero Mbonimpa ari kumwe n’ayandi mashirahamwe arenga amajana atatu, akaba ari no mu bahamagariye abanyagihugu kuja mu myiyerekano yo kwiyamiriza ukwitoza ubugira gatatu kwa Petero Nkurunziza. Hakaba hari amakuru avuga ko yoba agomba kujanwa mw’ibohero rya Ruyigi.