Ruhororo : Abanyagihugu bageze ku ntambwe nziza mu kubana neza

Abanyagihugu bo muri komine ya Ruhororo bahanurwa n’umukuru w’umurwi ujejwe agateka ka zina muntu kubandanya barengera ibibatandukanya, ariko bagume bapfumbatiye amahoro.

Ivyo Furera Ntakarutimana Emmanuel akaba yabivuze inyuma y’aho umurwi arongoye utunganirije ibiganiro vyabereye kw’iseminari ntoya y’i Mureke, ibiganiro vyari vyitabwe n’abatandukanye harimwo abajejwe intwaro, umutekano n’abanyaihugu. Mu murwi ujejwe agateka ka zina muntu mu Burundi bakavuga ko abanyagihugu ba komine ya Ruhororo bageze ku ntambwe nziza mu gufatana mu nda, inyuma y’aho iyo komine yari imaze iminsi yabaye iciro ry’umugani mu kutihanganiranira mu vya poritike.

Abo banyagihugu bakaba basabwe kubandanya bashigikirana kugira baze bashike kw’iterambere rirama.