Ruyigi : Abatunze ibirwanisho batabifitiye uruhusha bahagurukiwe

Inyuma y’aho abasuma bari bateye muri zone ya Nyabitare muri komine ya Ruyigi bakiba, igiporisi caciye kigira isakwa, aho bamwe bafatanywe ibirwanisho.

Iryo sakwa ryakozwe rikaba ryari mu ntumbero yo kuraba ko abo basuma bofatwa bari bivye muri iyo zone ya Nyabitare. Abantu batatu rero bafise ibisasu ntezwaminwe bakaba baciye bafatanwa, baca bajanwa mu giporisi ahariko harakorerwa amatohoza. Icegera c’umukuru w’igiporisi muri iyo ntara ya Ruyigi, akaba asaba abanyagihugu kuza baratanga amakuru hakiri kare, amakuru ajanye n’umutekano, kugira igiporisi n’abajejwe intwaro bashobore gufashanya n’abanyagihugu mu gutuza ubwo busuma. Abanyagihugu rero bagasabwa kandi kudoma urutoke kuri abo bose bagitunze ibirwanisho batabifitiye uruhusha.

Mukibuka ko no mu gisagara ca Bujumbura, mu bunywero buri muri komine ya Gihosha hatewe igisasu tezwaminwe aho cakomerekejeabantu.