Abadandaza bo mw’ibarabara bashikirije ikibazo cabo ubushikiranganji bw’umutekano

Abadandaza bakora urudandaza ruto ruto rwo mu mabarabara baridogera igiporisi ko kibandanya kibafata kandi bafise impapuro zibaha uburenganzira bw’ugukora, impapuro bahawe n’ubuyobozi bw’igisagaraca ca Bujumbura.

Abo badandaza bavuga ko abaporisi baterekwa izo mpapuro bahawe, kandi zibarekurira gutora ata nkomanzi. Abaserukira abo badandaza bamenyesha ko iyo bahuye n’abaporisi babafata, mbere n’ibidandazwa baba baranguye bigatwarwa n’igiporisi.

Abo badandaza basaba ubushikiranganji bw’umutekano ko bwofata mu minwe ikibazo cabo kigatorerwa inyishu, kuko babuze ayo bacira n’ayo bamira.

Mu giporisi basigura ko batazi izo mpusha abo badandaza bahawe, bagasaba abazitanze ko bobimenyesha igiporisi, kugira nabo bamenye ko izo mpusha ari iz’ukuri, bongere bamenye ububasha bw’izo mpusha aho bugera.