Accueil > Amakuru > u Burundi > Abana 6 nibo bapfuye batwawe n’inzuzi mu kwezi kumwe kwa Munyonyo
Abana 6 nibo bapfuye batwawe n’inzuzi mu kwezi kumwe kwa Munyonyo
jeudi 30 Munyonyo 2017, par
Ibiziga vy’abo bana batwawe n’inzuzi zitandukanye vyatowe mu mihingo itandukanye y’igihugu c’Uburundi. Mu runani FENADEB bavuga ko batewe impungenge n’ibitigiri vy’abo bana batwarwa n’inzuzi bibandanya kwiyongera.
Jacques NSHIMIRIMANA, umukuru w’urunani FENADEB ariyamiriza kubona abavyeyi hamwe n’abandi bantu bakuze bafata batitaho, kandi bagafata minenerwe abana mu gihe imvura iba iriko irarwa.
- Jacques NSHIMIRIMANA, umukuru wa FENADEB
Uwo arongoye FENADEB asaba abavyeyi hamwe n’abarezi bo ku mashure gukurikiranira hafi abana, hamwe n’ukubacunga neza, cane cane mu bihe vy’imvura.
Jacques NSHIMIRIMANA abishikirije mu gihe muri iyi ndwi hari ikiziga c’umwana catowe ku nkengera z’uruzi Ntahangwa, ku kiraro kigabura zone ya Cibitoke na Ngagara, ku ruhande rw’aho bita "Kurya Kanyoni". Ababonye ico kiziga bamenyesheje ko cazananye n’amazi y’imvura, kiva ku ruhande rwa zone Kamenge, muri komine Ntahangwa.
Egide NDUWIMANA
