Abarundi bahimbaje imyaka 55 iheze igihugu cikukiye

Ibirori vyatangujwe n’igikorwa c’umukuru w’igihugu co gushira urugori rw’amashurwe ku ntatemwa y’umuganwa Rudoviko RWAGASORE.

Ibirori vyabandanije n’igikorwa co gushira urugori rw’amashurwe mu kibanza citiriwe ukwikukira.

Ku kibuga citiriwe umuganwa Rudoviko RWAGASORE,umukuru w’igihugu Petero NKURUNZIZA yagenzuye ingabo,imbere y’uko hatangura urugendo rwa ba ‘’Burikukiye’’ bavutse mu mwaka w’1962.