Amashirahamwe 11 yigenga yemerewe gusubira gukora

Umushikirizamanza kizigenza wa Repuburika y’Uburundi yasubije uburenganzira bw’ugusubira gukora, ku mashirahamwe cumi na rimwe adaharanira ivyicaro vya poritike yari yahagaritswe.

Nk’uko biri mw’itangazo ry’umushikirizamanza kizigenza wa Repuburika, ayo mashirahamwe ari mu yari yarahagaritswe kugira ubutungane bw’Uburundi butohoze uruhara yagize muvyo umushikirizamanza kizigenza yise "imigumuko" yabaye kuva mu kwezi kwa Ndamukiza 2015.

Umushikirarizamanza wa Repuburika amenyesha ko aravye aho amatohoza ageze, basanze ayo mashirahamwe yosubira gukora, ariko agasabwa gukora hisunzwe ivyo yiyemeje mu gusaba uruhusha rw’ugutangura gukora.

Ayo mashirahamwe yemerewe gusubira gukora ni OAG, Ruhuka Bana, AJM, Fontaine Isoko, SPDDF, AREVIE, AAN, ACOPEC, ATU, CHOUIFE, hamwe na MM