Amnesty International: Haracari vyinshi vyo gukorwa muri Afrika ku gateka ka zina muntu

Ishirahamwe ryitaho agateka ka zina muntu kw’isi Amnesty International rimenyesha ko hakiri vyinshi vyo gukorwa ku mugabane wa Afrika mu bijanye no kwubahiriza agateka ka zina muntu.

Igihe yariko ashikiriza icegeranyo c’ivyaranguwe na Amnesty International mu mwaka wa 2016, Muthoni Wanyeki arongoye iryo shirahamwe mu karere ka Afrika y’Ubuseruko n’Uburaruko yavuze ko mu bihugu vy’Uburundi, Eritreya na Etiyopiya hari ukutihanganira abatavuga rumwe na Reta.

Muthoni Wanyeki yavuze ko hari ibisa n’ibitero bikorwa ku mashirahamwe aharanira agateka ka zina muntu mu gihugu ca Sudani yo mu Bumanuko, hamwe no gupfunga abantu ikivunga biba mu gihugu ca Tanzaniya na Sudani.

Uwo arongoye ishirahamwe Amnesty International mu karere ka Afrika y’Ubuseruko n’Uburaruko avuga ko ku mugabane wa Afrika hakiri umukazo, intambara no kubuza abagira imyiyerekano, ionddyane za politike hamwe no kutihanganiranira.

Muthoni Wanyeki avuga ikindi giteye amakenga ku mugabane wa Afrika ari uko hari abategetsi bamwe bamwe bagerageza kurondera uburyo bwose bwo kuguma ku butegetsi.