Gitega: Abasubijwe mu buzima busanzwe basaba gufashwa bikwiye

Abasubijwe mu buzima busanzwe baba ku mutumba wa Zege mu ntara ya Gitega basaba gufashwa bikwiye kuko ataco bishoboje mu bijanye n’ubuzima bwa minsi yose.

Abo basubijwe mu buzima busanzwe bavuga ko aho babaye ataco bahafise,ata mazi meza,atamakara yo gucana mu kurondera ibifungurwa,kandi ko n’ikibazo c’umuyagankuba kibugarije.

Bavuga ko mu gihe basanzwe bagendana ubumuga bategerezwa kwivuriza mu gisagara ca Bujumbura,kandi bibasaba kwiyunguruza no kuronka aho baryama,ivyo navyo bikabasaba uburyo kandi atabwo bafise.

Abo bahoze ku rugamba bamenyesha ko naho Reta yabahaye amazu biciye mu mugambi wo guisubiza mu buzima busanzwe abahoze ku rugamba,gushika ubu ata mpapuro zemeza ko ayo mazu ari ayabo bararonka.

Colonel Gaspard BARATUZA avugira igisirikare c’Uburundi amenyesha ko abasirikare bonyene aribo bironderera ivyemeza ko izo nzu ari izabo,ku bindi bibazo naho avuga ko bazobitorera inyishu babanje kwishikira mu kibanza abo basubijwe mu buzima busanzwe babamwo.