IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Amakuru > u Burundi > Imashini nyabwonko (Ordinateurs) 18 zahiriye mu muriro wateye ahakorera (...)

Imashini nyabwonko (Ordinateurs) 18 zahiriye mu muriro wateye ahakorera REGIDESO

mercredi 23 Myandagaro 2017, par Egide NDUWIMANA

Uwo muriro watanguye nk’igihe c’isaha cumi n’imwe n’iminota mirongo itatu, abo mu giporisi kijejwe gukinga impanuka bakaba baciye bihutira kuzimya. Amakuru ya mbere ava aho mw’ishirahamwe REGIDESO avuga ko uwo muriro utatewe n’ikibazo c’intsinga z’amatara (Court-circuit), kuko aho uwo muyagankuba uva (compteur), hamwe n’aho uwo muyagankuba uzimirizwa canke ukatswa (Fusible) ataco habaye.

Nk’uko tubikesha umumenyashamakuru w’ikinyamakuru IGIHE ari aho kuri REGIDESO, ahabereye iyo mpanuka y’umuriro, imashini nyabwoko cumi na zitandatu (18 Ordinateurs) nizo zimaze kumenyekana ko zahiye, hamwe n’impapuro (Dossiers) zo mu gisata kijejwe kurihisha abanywanyi b’ishirahamwe REGIDESO (Cellule facturation). N’imashine zijejwe gusohora impapuro (Imprimantes et Photocopieuses) zahiriye muri uwo muriro, hamwe n’intebe n’amameza yari muri aho hahiye.

Tubamenyeshe ko uwujejwe igisata c’ububiko bw’amafaranga mw’ishirahamwe REGIDESO yari agiye ku kazi kwugururira abazimya yagize isanganya ageze hafi y’ibitaro vy’abasirikare mu Kamenge. Uwo mupfasoni yahora akorera ishirahamwe REGIDESO akaba yaciye yitaba Imana aho nyene.

Ayandi makuru ajanye n’iyo mpanuka y’umuriro turayagarukako mu makuru yacu yo hanyuma.


IGIHE

Messages

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.