Inama nkenguzamateka yemeje bane bagiye guserukira Uburundi mu bindi bihugu

Inama nkenguzamateka y’Uburundi yaremeje kuri uno wa kane igenekerezo rya 16 Ntwarante,umwaka wa 2017 amazina y’abantu bane bagiye guserukira Uburundi mu bindi bihugu.

Abo bantu bagizwe n’abakenyezi babiri hamwe n’abagabo babibiri ni Martin MBAZUMUTIMA yahora arongoye umurwi wo gutatura amatati y’amatongo n’ayandi matungo, Remy BARAMPAMA umukenguzamateka yotowe mu gisagara ca Bujumbura.

Abakenyezi babiri bemejwe n’inama nkenguzamateka ni Stella BUDIRIGANYA yahora avugira inama nshingamateka hamwe na Nina Christine NIYONSAVYE yahora arongoye ibitaro Roi Khaled.

Inama nkenguzamateka ariko ntiyashikirije ibihugu abo bemejwe guserukira Uburundi mu bindi bihugu bazorungikwamwo.