Accueil > Amakuru > u Burundi > "Ingingo umunani zofasha guteza imbere akazi ka Reta"
"Ingingo umunani zofasha guteza imbere akazi ka Reta"
mardi 1er Rusama 2018, par
Ivyo yasavye kiri mw’ijambo yashikirije ku munsi mpuzamakungu wahariwe abakozi n’akazi. Muri iryo jambo, umukuru w’igihugu yashikirije ati :
• Kwirinda insaku, ibihuha, urwanko n’inzigo ku kazi. Dukore nk’abasangiye
Igihugu, dusenyere ku mugozi umwe. Twame na ntaryo tuja Inama
n’ingingo, twijukire ingendo yo kwuzuzanya, dutegere ko: «Umutwe
umwe utigira inama » kandi ko: « Ibigiye inama bigira Imana».
• Twese tuzirikane igihugu cacu, tubere imboneza nyazo Abarundi benewacu
bataronse amahirwe yo kumenya vyinshi, kumbure bidatewe n’ubwenge buke ariko bivuye ku mahirwe make yo kutaja mu mashure no kutaronka
akazi ngo babonereho kurahura ubuhinga n’ubumenyi.
• Tuje hamwe mu mashirahamwe dutunganye imigambi igwiza akazi, maze
Abarundi twese tuhatorere akoyoko, ikigega c’igihugu naco
kihabombokere.
• Abakoresha nibitwararike abakozi babo n’agateka kabo, babafate
nk’abunganirizi babo, babakingire impanuka z’akazi, bitwararike isuku
ryaho bakorera kandi binjize bose mu mashirahamwe yo gutegekaniriza
kazoza abakozi.
• Zina mukozi wese asabwe kubungabunga ibikoresho vy’akazi n’ibibanza
akazi karangurirwamwo, mwirinde ya ngendo n’imvugo itabereye ngo Reta
ntihomba.
• Tubasavye kwamirira kure ingeso mbi yo gusesagura canke gusahura
itunga rusangi no kurwanya twivuye inyuma urudandazwa rutemewe
n’amategeko. Tubasavye gushengeza uwo wese atibanga itunga rusangi
kuko aba ariko anigira mu menshi ishirahamwe akorera n’iterambere
ry’igihugu.
• Mwubahirize amasaha y’akazi, mu gutonda ku masaha no kudakorera ku
gitsure. Vavanure na ya mvugo yataye igihe ngo: «Akazi k’ibwami kica
uwicaye».
• Abakoresha bokwitwararika kandi gukarihiriza ubwenge abakozi, abo nabo
bagaheza bagasabikanya ubuhinga n’ubumenyi barahuye na bagenzi babo.
- Umukuru w’igihugu Petero NKURUNZIZA
Umunsi mpuzamakungu w’abakozi mu Burundi wahimbajwe ku civugo gikurikira : « Dukure amaboko mu mpuzu duteze imbere igihugu cacu »
Umusi mukuru mpuzamakungu wahariwe abakozi n’akazi wakomotse mu myiyerekano y’abakozi bo mu gisagara ca Chicago mu gihe
baharanira agateka kabo gushika mbere aho bamwe muribo bahasiga
ubuzima.
Egide NDUWIMANA
Messages
19 Rusama 2018, 20:40, par Majambere Gaspard
mutama natere imbere abarundi turinyuma yawe