Intara zose zizokwerekana kw’igenekerezo rya 1 Mukakaro imigambi itatu zaranguye

Abarongoye intara zose zigize igihugu c’Uburundi basabwe gutegura imigambi itatu umwe wese azokwerekana kw’izina ry’intara arongoye, kw’igenekerezo rya mbere Mukakaro, umunsi Uburundi buzoba bwibuka imyaka 55 izoba iheze buronse intahe y’ukwikukira.

Umukuru w’igihugu Petero NKURUNZIZA yabisavye ba Buramatari bose barongoye intara zigize Uburundi, mu nama yabagirishije mu ntara ya Kirundo, komine Busoni, kuri uwu wa gatanu igenekerezo rya 3 Ntwarante 2017.

Muri iyo nama, Buramatari w’intara ya Kirundo yamenyesheje umukuru w’igihugu ko amakomine amwe amwe y’iyo ntara yasinzikajwe n’inzara kubera uruzuba.