Ishirahamwe ry’Ubumwe bwa Buraya rivuga ko Uburundi buzosubira inyuma kuko buvuye muri CPI

Mw’ijambo ryashikirijwe n’ishirahamwe ry’Ubumwe bwa Buraya biciye k’umuvugizi waryo, bamenyesha ko kuba Uburundi bwavuye muri sentare mpanavyaha mpuzamakungu bizotuma ingingo zofatwa kubahohoterwa hamwe n’abahohotera agateka ka zina muntu zidashirwa mu ngiro, kandi bikazotuma amashirahamwe adaharanira inyungu za poritike atagira inguvu.

Ubumwe bwa Buraya bushikiriza kandi ko icegeranyo giheruka c’umugwi wigenga ujejwe amatohoza mu Burundi cashize ahabona uko agateka ka zina muntu kagiye gahonyagwa mu ndyane n’ubu zikibandanya, rikavuga kandi ko kuva mur’iyo sentare atari inzira yo gutorera inyishu indyane ziri mu gihugu ,ariko bizotuma haba ukudahana.

Ivyo bihugu bishikiriza ko inyishu y’ibibazo vy’Uburundi bishingiye ku butungane, gushiraho ubutungane hamwe no guhana abo bose bakora ivyaha vyo gusinzikaza agateka ka zina muntu .

Ishirahamwe ry’Ubumwe bwa Buraya ryipfuza ko Uburundi bwari busanzwe ari umunywanyi wa CPI bwobandanya gukorana n’iyo sentare