Moscou:Uburundi bwatahukanye agashimwe mw’ihayanishwa mu gisata c’ingezi

Igihugu c’Uburundi catahanye agashimwe mu gisata c’igihugu gishasha cinjiye mw’ihayanishwa mpuzamakungu mu gisata c’ingenzi, ryabereye ku murwa mukuru w’igihugu c’Uburusiya Moscou.

Muri iryo hayanishwa, igihugu c’Uburundi cahanishije impuzu z’ibiti, inzoga kavukire hamwe n’ingoma z’Uburundi zisanzwe zikundwa n’abanyamahanga batari bake.

Muri iyo ntumbero nyene, uwuserukira Uburundi mu gihugu c’Uburusiya Edouard BIZIMANA yaratunganije umunsi aho abarundi baba mu gihugu c’Uburusiya hamwe n’abagiye bavuye mu gihugu berekanye akaranga k’Uburundi.

Uwuserukira Uburundi mu gihugu c’Uburusiya Edouard BIZIMANA yamenyesheje ko batunganije ibirori vyo kwerekana akaranga k’Uburundi , mu ntumbero yo kumenyekanisha igihugu mu makungu.

Umurwi w’abarundi wagiye muri iryo hayanishwa wari urongowe n’umunyamabanga ntayegayezwa mu bushikiranganji bw’ubudandaji, amahinguriro n’ingenzi.