Muramvya : Abantu babiri bapfuye bakubiswe n’inkuba mu mvura

Imvura nyinshi yaguye mu ntara ya Muramvya kuri uwu wa gatandatu yahitanye abantu babiri, abandi bagera kuri batatu barakomereka bakubiswe n’inkuba.

Ivyo bibaye inyuma y’iminsi ibiri gusa iyindi mvura y’igihuhusi ivanze n’umuyaga iguye muri iyo ntara nyene ya Muramvya muri komine Kiganda na Rutegema, ikaba yahitanye ibitari bike, n’abanyeshure barahakomerekera.

Muri iyo mvura, abanyeshure bane bo kw’ishure ry’imyuga rya ETS Kiganda bakomeretse, amabati y’amashure nayo araguruka, hamwe n’intsinga z’amatara zononekaye.