Muyinga : Abigeme 16 boba bari bagiye mu bihugu vy’abarabu bafashwe

Nk’uko vyemezwa n’igiporisi, abo bigeme bose bafatanwe impapuro z’inzira (Passeports) nshasha, bakaba bafashwe n’igiporisi ku mvo z’amatohoza.

Abigeme 16 bafatiwe i Kobero mu ntara ya Muyinga

Abarundi bagera kuri batatu ku munsi nibo badandazwa mu bihugu bitandukanye, cane cane vyo ku mugabane w’abarabu. Mw’ishirahamwe rijejwe kurwanya urudandazwa rw’abantu basaba Reta y’Uburundi ko yotegura neza amategeko ajanye n’ukuja kurondera akazi hanze y’Uburundi, kuko ku bw’iryo shirahamwe, bikiboneka ko urudandazwa rw’abantu rukibandanya mu yandi mayeri adasa n’aya kera.

Mw’ishirahamwe ryiyemeje kurwanya urudandazwa rw’abantu, "Observatoire National pour la Lutte contre la Criminalité Transnationale : ONLCT Où est ton frère, bavuga mu biharuro bafise, Abarundi barenga 338 aribo bamaze gutwarwa mu rudandazwa rw’abantu kuja uwu mwaka w’2017 utanguye.

Prime MBURUBUKEYE atwara ishirahamwe rirwanya amabi ajanye n’urudandazwa rw’abantu, ONLCT Où est ton frère agira ati : "N’aho tugeze mu kinjana ca 21 ayo mahano aracariho ariko agakorwa hakoreshejwe ayandi mayeri asa n’ayakera."

Prime MBARUBUKEYE amenyesha ko abo barundi bajanwa kudandazwa mu bihugu vya Oman, Arabia Saoudite, Koweit, Australiya, Canada, Amerika n’ahandi. nk’uko bishikirizwa n’iryo shirahamwe, abo barundi bacishwa mu bihugu bibanyi vy’Uburundi.

Iryo shirahamwe ONLCT Où est ton frère rihamagarira Reta y’Uburundi gutunganya neza ibijanye ukuja kurondera akazi hanze y’Uburundi hamwe n’ugushiraho amasezerano yubahiriza imico n’akaranga vya Afrika, ku bihugu vyo ku mugabane w’abarabu bironderera abakozi mu Burundi,