Accueil > Amakuru > u Burundi > Ouganda: Impunzi z’abarundi zimenyesha ko hataragera ko zihunguka
Ouganda: Impunzi z’abarundi zimenyesha ko hataragera ko zihunguka
vendredi 17 Ruhuhuma 2017
Impunzi z’abarundi ziri mw’ikambi y’impunzi i Nakivale mu gihugu c’Ubuganda zimenyesha ko hataragera ko zitahuka mu gihugu, kuko ibibazo vyatumye bahunga igihugu bitaratorerwa inyishu.
Mu gihe umushikiranganji w’uburundi ajejwe intwaro yo hagati mu gihugu n’inyigisho zo gukundisha igihugu yari mu gihugu c’Ubuganda kugerageza kwumvisha impunzi ko zotahuka,uwuserukira impunzi Arsène Arakaza yavuze ko uko ibintu vyifashe muri politike n’umutekano bidashobora gutuma batahuka mu gihugu.
Arsène Arakaza aserukira impunzi z’abarundi mw’ikambi y’impunzi ya Nakivale,yavuze ko badashobora gutaha mu gihugu, mu gihe ibiganiro bibera i Arusha bitarahera, mu gihe hakiri amashirahamwe aharanira agateka ka zina muntu yahagaritswe gukorera mu Burundi, mu gihe kandi hakiri abantu bicwa abandi bakanyuruzwa.
Uwo aserukira impunzi z’abarundi yavuze ko badatahura igituma Reta yihutira gusaba abanyagihugu bato bato gutaha, kandi hakiri abanyapolitike bakomakomeye bakiri hanze.
Umushikirianganji w’intwaro yo hagati mu gihugu Pascal BARANDAGIYE yagendeye igihugu c’Ubuganda kuva kuwa mbere igenekerezo rya 13 Nzero,umwaka wa 2017,ariko igikorwa co kugerageza kwumvisha abarundi ko bataha mu gihugu nticamworoheye.
IGIHE
Messages
17 Ruhuhuma 2017, 11:03, par Athanas
Comworohera gute kandi arugusiga inkore kumaso?gusa abanyagihugu baraciye akenge,abanyapolitike mureke kuza murapfindanira kumunyagihugu!
17 Ruhuhuma 2017, 11:56, par Nininahazwe pacifique mujeri
Nibakomere ubwo basanze impengeri ziryoshye !!! Nubundi birazwi ko bahunze inzara.
17 Ruhuhuma 2017, 16:47, par Félix Muhire
Niba vyavuze nuwuserukira impuni ntiwoba ze ngo niko impunzi zose zibibona. Kenshi abaserukira impunzi baca baba abaja ba HCR kugira ngo batere ubwoba abarambiwe nikambi. Ni mu ntumbero yo kugirango HCR na Croix Rouge babandanye ikiraka cabo.
17 Ruhuhuma 2017, 19:55, par BIRABARABA
NIBABE BARABA NAHO BAJA,NKAHO WOSANGA BIPFUZA NO KUJA MAHAMA?
17 Ruhuhuma 2017, 21:47, par Fiston
Bavugagutaha Ariko Ntivyumvikana Abanye Politike Bakwiye Kugihurizako, Uwonawe Avugako Impunzi Zahunze Inzara Ntabwenge Kandi Ntabona, Imbere Yuko Abari mumakambi Bataha, Abanye Politike Bahunze Barabanza Batahe.
18 Ruhuhuma 2017, 22:08, par LEONARD,BIZIMANA
NIKUKI,BIYUMVIYEGUHUNGURA,ABARIMUBUGANDA?NIBOBAKENEWEGUSA?NIBAVYITONDERE.NATWETURIMUBURUNDI,INZARANTITWIHANGANIYEPE!!NUBUKENEBWINSHI.
18 Ruhuhuma 2017, 23:05, par morodikayi.
None Barandagiye ya ragiyeyo gukorayiki? natwebwe tukirihano turatesetse ngo nuja guhamagara abarwikize rwinkota ni nkoho ya burimusi!. yamwe burya ntanisoni bagira kabisa, abarundi bazanwe ngaha muburundi bavanwe murikongo unomusi barihehe?,ndashimiye izompunzi ziri muri Ouganda uburyo bavyifashemwo, bibuke muribo kohariho abamaze kusagwa ngaho kugirirwa nabi, aruko batumwe nubwo butegetse bwahiburundi kubwivyo muragabira ntakwisoka kurisongoye.